Mahai Gidaren applet-aren eskuliburua


Table of Contents
Mahai Gidaren applet-a

Mahai Gidaren applet-a

Mahai Gidaren applet-ak (Figure 1) zure mahaigain birtualetan bisualki nabigatzeko aukera ematen dizu. Applet hau Panel bati gehitzeko, egin klik eskuineko botoiaz panelean eta aukeratu Applet-ak->Utilitatea->Mahai Gida.

Erabilera

Mahai Gidaren applet-ak zure sistemako mahaigain birtual guztietan zehar nabigatzen laguntzen dizu. X Window sistemak, "leiho-kudeatzailea" izeneko softwarearekin batera, zure lana antolatzeko mahaigain birtual bat baino gehiago sortzeko aukera ematen dizu, eta horietako bakoitzean aplikazio desberdinak exekutatzeko. Gainera, leiho-kudeatzaileak mahaigain bakoitza "mahai-area" izeneko errenkada eta zutabetan bana dezake. Mahai Gidaren applet-a hainbat mahaigain eta mahai-areatan zehar ibiltzeko nabigazio-tresna da, eta GNOME panelean miniaturazko bide-mapa bat eskaintzen du, mahaigain birtual guztiak (laneko area izenez ere ezagutuak) eta mahai-area guztiak erakusteko eta batetik bestera erraz joan ahal izateko.

Mahai Gidaren applet-ak leiho-kudeatzailearekin batera egiten du lan; kudeatzaile hori Sawfish edo Enlightenment moduko softwarea da, leihoen itxura eta performantzia maneiatzen dituena. Leiho-kudeatzaileak ertzak ezartzen ditu, eta leihoen tamaina eta kokalekua ezarri eta aldatzen ditu. Leiho-kudeatzailea arduratzen da mahaigain guztiez. Mahai Gidaren applet-ak nabigazioa maneiatzen du.

Mahai Gidaren applet-ak erabilgarri dituzun mahaigain guztien miniaturazko bertsioa bistaratzen du, mahaigain-leiho bakoitzean exekutatzen ari diren aplikazioen koadroak erakutsiz. Unean erabiltzen ari den mahaigaina nabarmenduta agertzen da. Egin klik Mahai Gidaren applet-eko mahaigain baten irudikapenean, mahaigain hori ikusteko monitorean.

Egin klik eta mantendu sakatuta saguaren erdiko botoia Mahai Gidaren applet-aren edozein leiho-iruditan, leihoa mahaigain birtualean zehar arrastatzeko.

NoteOharra
 

Leiho-kudeatzaile bakoitzak bere hizkera edo argota erabiltzen du mahaigain birtualak eta bertako laneko areak deskribatzeko. Enlightenment-ek laneko area "mahaigain"etan banatzen du, eta gero horiek "pantaila"tan banatzen ditu. Sawfish-ek (lehen Sawmill deitzen zenak) laneko gunea "laneko area"tan banatzen du eta gero horiek zutabetan eta errenkadatan banatzen ditu. Mahai Gidaren applet-ak laneko areei "mahaigain" deitzen die eta horien baitako areei "leihatila". Ikus leiho-kudeatzailearen dokumentazioa, laneko area birtualak instalatzeari eta kudeatzeari buruzko informazio gehiago lortzeko.

Mahai Gidaren applet-aren ezkerraldeko gezian klik eginda Ataza-zerrendaren leihoa agertuko da (Figure 2).

Zure ordenagailuan exekutatzen ari diren aplikazioen zerrenda azaltzen da leiho honetan. Ataza-zerrendaren leihoko zerrendako edozein aplikaziotan ezkerreko botoiaz klik eginda, fokua aplikazio horretara aldatuko da, hau da, leiho hori aurreko planora ekarriko da eta teklatuko sarrera guztiak leiho horretan exekutatzen ari den aplikaziora bidaliko dira.

Eskuin-klikaz agertzen den laster-menuko elementuak

Menu-elementu estandarrez gain (ikus the Section called Laster-menuko elementu estandarrak), eskuineko botoiaz klik eginda agertzen den laster-menuak ondoko elementua dauka:

  • Propietateak... — Menu-elementu honek Propietateen elkarrizketa-koadroa irekitzen du (ikus the Section called Propietateak), applet honen itxura eta jokabidea pertsonalizatu ahal izateko.

Propietateak

Mahai Gidaren applet-a konfigura dezakezu, bertan eskuineko botoiaz klik eginez eta Propietateak... aukeratuz. Propietateen elkarrizketa-koadroa irekiko da, konfigura daitezkeen aukerak lau fitxatan antolatuta - bistaratzea, atazak geometria, aurreratua.

Propietateak - Geometria

Aukera hauek ditu:

Diseinu bertikalaren aukerak goiko diseinu horizontalenak bezalakoak dira, baina applet-aren altueraren ordez zabalera aldatzen dute, eta errenkada-kopuruaren ordez zutabe-kopurua.

Egileak

Mahai Gidaren applet-a Tim Janik-ek idatzi du (). Bidali zure iruzkin, iradokizun eta akatsen berri-emateak GNOMEren akatsen segimendurako datu-basera. (Akatsei buruzko berriak bidaltzeko argibideak linean aurkituko dituzu.) GNOMEren 1.1 bertsioa edo berriagoa erabiltzen ari bazara, Akatsen berri emateko tresna (bug-buddy) ere erabil dezakezu akatsen berri emateko. Tresna hori Menu nagusiko Utilitateak azpimenuan duzu eskuragarri.

Eskuliburu hau John Fleck-ek () idatzi du. Eskuliburuari dagozkion iruzkinak eta iradokizunak GNOMEren dokumentazio-proiektura bidal ditzakezu: . Iruzkinak linean ere egin ditzakezu GNOMEren dokumentazio-egoeraren taula erabiliz.

Euskarazko itzulpena Hizkuntza Politikarako Sailburuordetzak egin du (). Itzulpenari buruzko oharrak eta iradokizunak helbide honetara bidal ditzakezu:

Lizentzia

Programa hau software librea da; birbana eta/edo alda dezakezu, Free Software Foundation-ek argitaratutako GNU Lizentzia Publiko Orokorraren 2. bertsioan, edo (nahiago baduzu) bertsio berriago batean, jasotako baldintzak betez gero.

Programa hau erabilgarria izango delakoan banatzen da, baina INOLAKO BERMERIK GABE; era berean, ez da bermatzen beraren EGOKITASUNA MERKATURATZEKO edo HELBURU PARTIKULARRETARAKO ERABILTZEKO. Argibide gehiago nahi izanez gero, ikus GNU Lizentzia Publiko Orokorra

GNU Lizentzia Publiko Orokorraren kopia bat GNOMEren dokumentazioarekin batera ematen da. Free Software Foundation-en bidez ere lor dezakezu kopia bat haren web gunea bisitatuz edo hona idatziz:

 Free Software Foundation, Inc. 59 Temple Place -
      Suite 330 BostonMA
      02111-1307 USA